Share this:

هذا أنا و الحمد الله انتهيت من بلاء الصف التاسع و أنا الأن في الصف العاشر وطبعاً بمجرد خروجك من الصف التاسع ( الشهادة ) تعد هذه فرحة لوحدها و ليس هذا فقط بل بمجموع جيد .. 211/310 و أنا راضي عن مجموعي – عدا أهلي طبعاً …!!! -
المهم خلصنا من التاسع و فتنا عاشر … بس العاشر هي السنة غير هداك العاشر تبع هديك السنة … ليش ؟
لانوا في منهاج جديد …يااااااي منهاج جديد … طار عقلي … وخاصة بانوا كان عندي فكرة عنه من السنة الماضية ( السنة الماضي كان المنهاج تجريبي في بعض المدراس وكان في صديقي كان في احدها المدارس يلي تجرب المنهاج عليهم … فاخذت منه فكرة و اهمتميت بلموضوع لاني السنة الجاية عاشر! )
المهم طبق المنهاج الجديد …
و خلصنا الفصل الأول و نحنا هلق بفصل الثاني .. و عرفنا كل شي على المنهاج و كان عندي الوقت الكافي اني احكم على المنهاج … بدي قول رائي عن المنهاج كالطالب صف عاشر عامة .. بثانوية ابن رشد ..بعيد عن رائي الأساتذة او الوزير التربية او الموجهين الاختصاصين …. لانوا لازم هنن يلي يسمعوا رائينا ..لانوا المنهاج النا …
المهم :
* المنهاج يعتمد على شي اسمه المناقشة و الحوار و الفهم قبل الحفظ باستخدام الأساليب المتطور الإنترنيت و الكمبيوتر .. وأكثر شي تحرك بالمنهاج الجديد هو * البحث العلمي على الشابكة و إبداع الطالب على المناقشة و ووضع أسئلة تخلي الإستاذ ما يعرف جاوب عنها ( هيك بننطقم من الأساتذة .. و * عمل التجارب و عروض الدروس على بروجك تر…
أما * الكتب فهي رائع بمعنى الكلمة و أحسن من قبلها بكثيـــــــر من ناحية التصميم , إضافة الصور ومتل ما تعرفوا انو الدرس المصمم على شكل رائع بشدك لتفهم الدرس … * وحتى كل الكتب موجودة بشكل الكتروني (PDF ) مشان الطالب يحمل الكتب على كمبيوتره
يعني بمعنى اخر المنهاج الجديد رائع و جيد … وانا معه … ولكن … وقف لحظة … في سلبيات … !!!؟؟؟
1- طلاب يلي بالصف معي مالوان متعودين علي شي اسمه نقاش .. او حوار ابداً … (“متل الحمام المقطوعة ميتوة”) .. كلون بيحكوا ما بعضون و بنقشوا ما بعضون بنفس الوقت .. (طبعاً هي بتنحل مستقبلاً .. اذا تعودوا الطلاب من الصف الاول .. لانوا كنا بلصف الاول يا كلايتنا نحكي او كلايتنا نسكت )
2- الإساتذة نفسون ما عرفانين يعطو ..فايتين بلحيط اكثر منا .. لانون استلموا الكتب معنا ( قول هلق بلفصل الثاني انهلت شوي … ) بس في البعض منهم لم يقترب على الطريقة الجديد ابداً … ؟؟ ( هي موشغلتي شغلت التربية )
3- مشكلة الابحاث ..( طبعاً هلكونا ابحاث ) .. يا جماعة انا كطالب ما بدور على شي ..بقصد انا بتبع سياسة ” نسخ , لصق , طباعة ” و خلصت ..( ما احذكر مصدر معلوماتي … سر نجاحي ) و في كتير با اوقات ما بقراء البحث ( يلي بكون بدل الوظيبفة هون – في بعض الحالات- ) بس طبعتها وخلصت …
4- بعدين ما عدنا لحقنا سيديات ولا وراق و لا فلاشات … مافي على غير طباعة .. ونسخ سيديات .. هنفتح محل قرطاسية
5- ماحد من الاستاذة لحتى الان عملنا تجربة واحدة او طلبوا منا نعمل تجرب – غير انسة واحدة بلمدرسة – ( مع انوا في كتاب تاني لكل مادة بس للتمارين و التجارب ) و بقلوك “هدول الكن هي التمارين انت يلي لازم تحلها “…( ههههههه وصلتوا اذا انا بدي حلها ) يعني ما اهتموا الاساتذة فيهون بحجة “نحن المطلوب منا ما عم نلحقوا ناقصنا تجارب “… !!!
6- انا طالع من صف تاسع ..للعاشر .. يعني هي السنة كنت حاطط بالي انها لعبة واستراحة قبل الجد البكالوريا ومتل ما بقلوا ” العاشر داشر “
7- بعدين في كم معلومات هائل .. مثلاً – على قولة انسة الفيزياء –” انوا في دروس كتير نزلت من البكالوريا … حاطينوا عنكم … يعني البكالوريا قسموها على العاشر والحادي عشر .. يعني سنة لعبة و مسخرة وهيك هي سنة مو مهمة بدكون تنسوها يعني هنن عم بقلوكون كل السنوات بدا شد همة ( يعني كل السنوات تاسع – والله بجن – ) … ” وهذا الحكي وافق عليه اكثر من 3 استاذة بلمدرسة
8- بعدين نحن دخري نطينا على عاشر … قصدي سلسلة جديدة نحن دخلنا لنصها و انقطعنا عن يلي قبلها
9- بحس على حسب ما فهمت بانوا وقت الحصة الدراسية ( 45 دقيقة ) ما عم تكون كافية للاساتذة … ! ( لا خذولكون ساعة للحصة فرد مرة … ما نحن و هيك واخر 10 دقائق بسكر مخنا ! )
وبغض النظر عن المشاكل يلي قلتلها بضل المنهاج الجديد احسن من القديم بلنسبة 100% وهذا الحكي وافق عليه كل الأساتذة يلي بلمدرسة …
واذا لاحظتوا انو نص المشاكل بتروح و بتنحل مع الوقت … وانوا الجيل الجديد ( بقصد طلاب الصف الأول ) هنن يلي هيستمتعوا بلمنهاج الجديد اكثر منا … !
واااااااخ من المدرسة

ملاحظة :
* اقصد هنا بالمدرسة = الثانوية
*بامكانك تحميل الكتب من خلال هذه الرابط
* وفيك تزور موقع وزارة التربية تستمتع شوي … http://www.syrianeducation.org.sy